Tre miniskenarë brenda një të vetmi, varësisht nga situata e pandemisë, jo vetëm në shkallë kombëtare, por edhe brenda shkollës apo klasës. Parimi është që klasat nga e para në të pestën dhe matura të mbahen në shkollë çdo ditë për shkak të specifikës që kanë, ndërsa të gjithë nxënësit e klasave të tjera të frekuentojnë shkollën çdo javë nga dy ose tri ditë, thuhet ne vendimin me te fundit nga ministria e arsimit. Njëra palë deri në 10:15 dhe tjetra deri në 13:45. Ky është skenari i parë që pasohet nga dy të tjera që çojnë gati deri në kyçjen e institucioneve arsimore. “Në rast se shkollat kanë situata të rënduara në stafet mësimore, mund të aplikohet skenari ku vetëm klasat fillore dhe maturantët të bëjnë mësim në klasë, ndërsa klasat e tjera online”, detajoi ministrja duke shtuar edhe rastin e tretë, që flet për situata më të rënduara pandemike, në të cilat shkollat mund të frekuentohen vetëm nga klasat e para dhe të dymbëdhjeta. Do të jenë shkollat që do zgjedhin variantin që iu përshtatet në varësi të situatës së infektimeve, numrit të nxënësve apo kushteve specifike. Çdo të premte, shkollat, në bashkëpunim me njësitë e kujdesit shëndetësor, raportojnë në zyrat arsimore e më pas vendoset mënyra se si do të vijohet mësimi. Nderkohe qe ministra e Arsimit ka sqaruar se një prind mund të kërkojë që për shkak të angazhimeve ta kthejë mësimin e femijes online në çdo ditë të javës, duke kaluar nga një grup në tjetrin brenda klasës. E kundërta, jo.