Gjermania tha të premten se po diskuton me aleatët për kërkesën e Polonisë që njësitë e saj të mbrojtjes ajrore, Patriot, të dërgohen në Ukrainë pasi shefi i NATO-s, Jens Stoltenberg, sugjeroi se aleanca ushtarake nuk duhet të kundërshtonte një lëvizje të tillë. “Ne po bisedojmë me aleatët e saj se si ta trajtojmë kërkesën e polonisë”, tha një zëdhënës i qeverisë gjermane në Berlin. Ky i fundit i ofroi Varshavës, sistemin e raketave Patriot, për ta ndihmuar atë të sigurojë hapësirën e saj ajrore pasi disa raketa ‘qorre’ ranë mbi një fshat polak javën e kaluar duke vrarë dy persona. Ministri polak i mbrojtjes më vonë i kërkoi Gjermanisë, që njësitë e zjarrit të dërgoheshin në Ukrainë në vend të polonisë. Sekretari i përgjithshëm i NATO-s tha ndërkohë se lëvizje të tilla janë vendime që i takojnë shteteve individuale, që duhet të kenë parasysh në cdo moment rregullat për përdoruesit e fundit. Komentet e tij erdhën pasi ministrja gjermane e mbrojtjes, Kristin Lambreht, tha një ditë më parë se ndarja e sistemeve gjermane Patriot me një vend jashtë territorit të NATO-s do të kërkonte diskutime paraprake me NATO-n dhe aleatët. Raketat patriot prodhohen nga kompania amerikane Raytheon. Duke iu përgjigjur pyetjes nëse NATO rrezikon të bëhet palë në konflikt nëse dërgon sistemet patriot në Ukrainë, stoltenberg vuri në dukje se aleatët kanë dërguar tashmë armë të avancuara në Kiev pa i shoqëruar ato me personel të NATO-s. Kur është nevojitur, vetë ukrainasit janë trajnuar në një nga vendet e aleancës për përdorimin e këtyre armatimeve.