Një dron rus shpërtheu brenda territorit të NATO-s në një sulm të dështuar në Ukrainë. Avionët luftarakë F-16 të aleancës u ngritën menjëherë në fluturim pasi sulmi besohet të ketë shkelur hapësirën ajrore të Rumanisë. Pamjet tregonin një shpërthim dramatik që besohet të ketë ndodhur në anën ukrainase të lumit Danub, i cili formon kufirin me Rumaninë. Por raportet në Bukuresht thanë se në të njëjtën valë sulmesh, një dron i Putinit ishte rrëzuar në anën rumune. Inkursioni rus shkaktoi përgjigjen e NATO-s e cila ngriti menjëherë në fluturim avionët e saj luftarak dhe një paralajmërim për sulm ajror u lëshua për banorët afër Danubit. E gjithë kjo ndodh vetëm disa ditë pasi avionët luftarakë u ngritën në kufirin me Poloninë pas një sulmi masiv rus. Tensionet mbeten të larta midis NATO-s dhe Rusisë ndërsa Perëndimi vazhdon të mbështesë Ukrainën kundër Putinit. Por tani ka nisur numërimi mbrapsht për kthimin e donald Trump në shtëpinë e bardhë, dhe besohet se ai do t’i japë përparësi një marrëveshjeje paqeje për t'i dhënë fund luftës së përgjakshme që ka nisur që nga shkurti i vitit 2022. Sulmi i fundit i Rusisë erdhi pasi Ukraina kreu sulmin e saj më të madh që nga fillimi i luftës me një valë të kombinuar dronësh dhe raketash që u lëshuan mbi rusi, edhe qindra kilometra larg kufirit. Ministria rumune e mbrojtjes tha në një deklaratë për shtyp se: “Në orën 1:35 të mëngjesit, dy avionë F-16 të Forcave Ajrore Rumune, pjesë e Shërbimit Luftarak të Policimit Ajror, u ngritën nga Baza Ajrore 86 në Borcea për të monitoruar situatën në qiell. Avionët u kthyen në bazë rreth orës 3:48 të mëngjesit” Zyrtarët e NATO-s u informuan për inkursionin e dyshuar nga Rusia.