Shefja e Epidemiologjisë dhe Sëmundjeve Infektive në ISHP, Silva Bino u paraqit këtë të martë në ambjentet e Prokurorisë së Posaçme ku qëndroi për rreth një orë. Për të ruajtuar procesin hetimor nuk bëhet me dije çështja konkrete për të cilën prokurorët e posaçëm kanë kërkuar dëshminë e mjekes Silva Bino. Megjithatë, dyshohet se ajo është marrë në pyetje nga prokurorët e posaçëm për një tender të realizuar gjatë periudhës së pandemisë. Burime për Top Neës konfirmojnë se Bino është pyetur si person që ka dijeni për tenderat sekretë që u dhanë në këtë periudhë. Pas marrjes në pyetje nga SPAK, Bino refuzoi të komunikojë me mediat lidhur me arsyen e thirrjes së saj në ambjentet e Prokurorisë së Posaçme.