Hetimet për ekzekutimin e biznesmenit Behar Sofia janë intensive, ndonëse autorët janë arrestuar dhe ndaj tyre është ngritur akuza e vrasjes me paramendim. Pas arrestimit të vrasësve, ai që tashmë njihet si ekzekutori Ernejt Shyti jo vetëm që ka pranuar krimin, por ka treguar edhe detajet e vrasjes që prej momentin, kur dikush iu afrua për këtë, duke i premtuar një sasi të konsiderueshme parash. Në dëshminë e tij, Shyti ka thënë se me Xhuliano Vishën njihej prej vitesh. Një muaj përpara ngjarejes, ai i kishte takuar të të takoheshin dhe i premtoi 50 mijë euro me qëllim që të vriste një person. Madje Shyti tregon se edhe pistoletën ia dhanë ata dhe foton e personit që duhet të vriste. Në dëshmi thotë gjithashtu se as emrin nuk ia dinte, por duhet ta thërriste me një nofkë që i kishin thënë porositësit e vrasjes. Kështu e nis dëshminë e tij Ernejt Shyti, i dyshuar si ekzekutori i 66-vjeçarit Behar Sofia, mëngjesin e 25 shkurtit pranë Piramidës në kryeqytet. Në dëshminë e tij Shyti jep detaje për njerëzit që kishin organizuar krimin dhe e kishin rekrutuar për të kryer vrasjen, madje thekson se Skënder Vathi fillimisht ia kishte kërkuar që krimin ta kryente Xhuliano Visha, por ai nuk kishte pranuar sepse e kishte vëzhguar për një kohë të gjatë viktimën dhe kishte dyshime se 66-vjeçari Behar Sofia mund ta njihte dhe identifikonte atë dhe mund t’i shmangej e kështu të mos realizohej plani.