Nikotina është shumë e varësisë, por kërkimet e reja po tregojnë se psikedelikët mund të ndihmojnë njerëzit të ndryshojnë mënyrën e të menduarit dhe të lënë duhanin, shkruan BBC. Duhani është një nga veset më të vështira për t'u lënë. Nikotina që përmban është po aq e tunduese sa kokaina dhe heroina, ndoshta edhe më shumë. Në anketat e realizuara, rreth 70% e të rriturve që pijnë duhan thonë se duan ta lënë. Megjithatë, nga ata që e provojnë, më pak se një në dhjetë e arrin këtë çdo vit. Sidoqoftë, po shtohet dëshmia që disa droga psikedelike mund t'u ofrojnë disa njerëzve një mundësi për të lënë duhanin. Në një anketë të vitit 2017, për shembull, 781 persona thanë se konsumimi i LSD, apo një drograve tw tjetëra psikedelike i kishte ndihmuar të zvogëlonin pirjen e duhanit ose ta linin atë plotësisht. Pse ndodh kjo? Zgjidhja duket të jetë në natyrën filozofike. Gati të gjithë ata që arritën të heqin dorë nga nikotina raportuan një ndjenjë të përbashkët: papritmas ndjenin se prioritetet ose vlerat e jetës së tyre kishin ndryshuar – konkretisht, se pirja e duhanit nuk kishte më asnjë funksion për ta. "Shkalla e përvojës ka kaluar përtej këtij sfondi psikologjik që dukej i pamundshëm për të lënë duhanin," thotë Mattheë Johnson, autori kryesor i studimit dhe profesor i psikiatrisë dhe shkencës së sjelljes në Universitetin Johns Hopkins, në SHBA. Këto gjetje janë mbajtur edhe në një mjedis laboratorik. Në mars të vitit 2026, Johnson dhe kolegët e tij publikuan provat më të forta deri tani që tregojnë se terapitë me biseda, të kombinuara me një dozë të psilocibinës, përbërësi kryesor psikoaktiv i kwrpudhave magjike, janë shumë më efektive për t'i ndihmuar njerëzit të lënë duhanin, krahasuar me terapitë që përfshijnë përdorimin e ndihmës nga patch-et e nikotinës. Gjashtë muaj pas trajtimit, 42 personat që kishin marrë dozën e psilocibinës kishin gjashtë herë mundësi më të larta për të lënë duhanin se ata që kishin përdorur patch-et e nikotinës. Droga psikedelike mbeten të paligjshme në shumicën e vendeve të botës dhe përdorimi i tyre në kërkime ose prova klinike është i kontrolluar rreptësisht.