Liderët e Hezbollahut, në Liban, u takuan me liderët kryesorë të fraksioneve militante palestineze të hamasit dhe xhihadit islamik dhe diskutuan mbi atë që duhet të bëjë aleanca e tyre për të arritur një fitore të vërtetë për rezistencën – tha Hezbollahu të mërkurën. Pjesë e një aleance rajonale të mbështetur nga irani, hezbollahu i armatosur mirë, ka shkëmbyer thuajse cdo ditë zjarr me forcat izraelite përgjatë kufirit izraelito-libanez që nga shpërthimi i luftës mes izraelit dhe hamaist më 7 tetor. Në takim merrte pjesë lideri i hezbollahut Sayyed Hassan Nasrallah, zëvendës shefi i hamasit Saleh al Arouri dhe shefi i xhihadit islamik Ziad al Nakhala. Hezbollahu ndërkohë nuk tha se ku dhe kur u zhvillua takimi. “U bë një vlerësim i pozicioneve ndërkombëtare të marra aktualisht dhe u diskutua mbi atë që palët e aksit të rezistencës duhet të bëjnë për të arritur një fitore të vërtetë të rezistencës në gaza dhe palestinë dhe për të ndaluar agresionin brutal”, tha Hezbollahu. “Kishte pajtim për vazhdimin e koordinimit”. Hezbollahu tha të mërkurën se edhe dy luftëtarë të tjerë të tij ishin vrarë, duke e cuar bilancin e viktimave mes radhëve të tij në 40, që nga fillimi i konfliktit.