Aktorja shqiptare Anila Bisha është e njohur për interpretimin e roleve të grave komplekse në skenë dhe ekran, aftësi të përpunuara gjatë një karriere 30-vjeçare, por tani ajo jeton në hijen e avatarit të saj të inteligjencës artificiale dhe një performance që nuk e bëri kurrë. Kështu agjencia franceze e lajmeve, AFP, e nis raportimin e saj. Shtatorin e kaluar, Kryeministri Edi Rama njoftoi me shumë bujë se kishte emëruar atë që ai pretendonte se ishte ministrja e parë e gjeneruar nga inteligjenca artificiale, e ngarkuar me parandalimin e korrupsionit në tenderët publikë. "Unë nuk jam këtu për të zëvendësuar njerëzit, por për t'i ndihmuar ata", tha ministrja në fjalimin e saj të parë në parlment, në një mesazh që tërhoqi vëmendjen e mediave botërore. Por Bisha, duke parë fytyrën e saj të mbante një fjalim për të cilin nuk dinte asgjë, në një rol që nuk e luajti kurrë, mbeti e tronditur.