Garantimi i pensioneve dinjitoze për të moshuarit u ngrit si çështje në Kuvend nga deputeti Dashamir Shehi, i cili propozoi një skemë të re për pensionet, e cila të mund të ofrojë minimalisht 30 mijë lekë të ardhura mujore për të moshuarit. Shehi: “Skema e pensioneve që kemi ne këtu, nuk nxjerr më gjë, mos u lodhni kot. Këto janë të gjitha përmirësime, por janë makiazh i vogël. Duhet të marrim kurajon të fusim një fond subvencioni, një shportë, që mos të përzihet me skemën e pensioneve. Skema do të vijë këtu, shporta do të plotësojë diferencën që kanë pensionet e vogla. Buxheti i kësaj pune do të zvogëlohet nga 10 % nga viti në vit. Pensionet minimale do të dalin nga 300 mijë lekë të vjetra.” Deputeti Agron Shehaj akuzoi kryeministrin Edi Rama për statistikat e pensioneve, që i konsideroi të pavërteta.