Kryeministri Edi Rama vlerëson se Shqipëria ka një rrjet të fuqishëm dhe të konsoliduar pikash grumbullimi dhe tashmë hapi i radhës, sa i takon bujqësisë, është agropërpunimi. Duke folur në konferencën ‘Export On’, shefi i ekzekutivit deklaroi se tregëtia me jashtë duhet të zhvendoset drejt lëndëve të para të përpunuara. : “Sa më shumë të heqim nga kanali i eksporteve lëndën e parë dhe sa më shumë të fusim në kanalin e eksporteve lëndë të parë të përpunuar në vend aq më shumë do mbajmë vlerë të shtuar brenda kufijëve tanë. Fazë kur baza e eksporteve ishte nxjerrja jashtë e lëndës së parë, duhet të konsiderohet e tejkaluar. Kur bie fjala për bujqësinë është e qartë që hapi tjetër është agropërpunimi sikundër bëmë në fazën e parë të qeverisjes me grumbullimin duke siguruar që shqipëria të ketë rrjet të fuqishëm dhe të konsoliduar pikash grumbullimi me standrade të larta, duam të kemi një rrjet të konsoliduar të agropërpunimit.”