Vladimir Putin ka rrëfyer se në një moment të jetës së tij ka flirtuar me vdekjen, kur pati një aksident ndërsa ngiste një motoçikletë. Presidenti rus tregoi historinë se si gati sa nuk vdiq ndërsa përpiqej të ndizte motorin. Duke folur me ministrin e mbrojtjes Andrei Belousov, ai tha se incidenti kishte ndodhur në një kohë kur ai "iu shmang" vdekjes për pak por nuk zbuloi se kur dhe ku zhvillohej historia. "Motoçikleta u përmbys dhe ra. Unë shmanga më të keqen për një fije peri”, tha ai. Putin ka kërkuar prej kohësh të kultivojë një imazh si një i fortë brenda në rusi. Ai është fotografuar shpesh pa bluzë duke bërë aktivitete dhe sporte në natyrë për të përforcuar kultin e tij të personalitetit. Ai e ndau historinë e motoçikletës ndërsa kishte veshur uniformë ushtarake, pavarësisht se ndodhej qindra km larg zonës së luftës. Ai foli javën e kaluar në kulmin e stërvitjeve të përbashkëta ushtarake mes Rusisë dhe Bjellorusisë. Në të kaluarën, Putin është shfaqur në krah të anëtarëve të klubit të motoçikletave "Ujqërit e Natës" për të ndihmuar në forcimin e imazhit të tij prej të forti. Presidenti rus u fotografua duke ngarë një motoçikletë Ural të prodhuar në Rusi, në vitin 2019.