Periudha e “muajit të mjaltit” pas rizgjedhjes së presidentit amerikan Donald Trump duket se ka përfunduar, ndërsa sondazhet e fundit tregojnë një rënie të ndjeshme të mbështetjes ndaj tij, shkruan CNN. Një seri sondazhesh të reja tregon se popullariteti i Trump ka rënë në nivelet më të ulëta të mandatit të tij të dytë. Sipas të dhënave, niveli mesatar i miratimit ka zbritur në 39%, një rënie prej 8 pikësh krahasuar me fillimin e vitit. Ky nivel afrohet me minimumin historik prej 34% pas ngjarjeve të 6 janarit, duke treguar se mbështetja ndaj tij është në rënie të fortë. Pakënaqësi për ekonominë, emigracionin dhe politikën e jashtme. Shkaku kryesor i kësaj rënieje, sipas CNN, lidhet me ekonominë, veçanërisht me rritjen e fortë të çmimeve të karburantit, që ndikon drejtpërdrejt te familjet. Edhe pse disa tregues ekonomikë mbeten relativisht të qëndrueshëm, perceptimi i qytetarëve është përkeqësuar.