Ndër virtytet e bletëve për të cilat mund të mos kemi dëgjuar shpesh është aftësia e tyre për zbulimin e bombave. Falë faktit që ata mund të marrin aromën e eksplozivit me antenat e tyre, studiuesit në vende të tilla si Kroacia kanë kaluar vite duke përsosur se si të përdorin bletët si gjetës të minave tokësore. Por ka një problem. Ndërsa insektet dynden me gëzim në një zonë të minuar, me shpresën për të gjetur ushqim, është jashtëzakonisht e vështirë për njerëzit të mbajnë gjurmët e vendit ku shkojnë, jo më pak sepse ndjekja e bletëve nëpër një fushë të minuar nuk është një ide e shkëlqyeshme. Këtu hyjnë dronët. Një ekip nga Bosnjë-Hercegovina dhe Kroacia kanë dalë me një mënyrë për të përdorur dronë për të monitoruar bletët ndërsa ato dalin në aksion. Mjetet ajrore pa pilot fluturojnë përreth, duke kapur pamjet e insekteve, të cilat më vonë analizohen nga kompjuterët për të zbuluar se ku fshihen lëndët plasëse. “Ne jemi përpjekur të përjashtojmë njerëzit nga rreziqet e mundshme, dhe kështu këmi vendosyur të përdorim dronët’ - tha Vladimir Risojevic nga Universiteti Banja Luka I Bosnjë Hercegovinës. Minat e tokës të varrosura gjatë luftërave të ndodhura dekada më parë vazhdojnë të paraqesin një kërcënim vdekjeprurës në shumë pjesë të botës. Mijëra të tilla u venosën gjatë luftës së viteve 90 në Ballkan , të cilat gjenden akoma aty. Raportohet se ekzistojnë rreth 80.000 mina tokësore në Bosnjë-Hercegovinë, dhe mbi 30.000 në Kroaci. Insektet dhe makineritë që punojnë së bashku shihet si një ide argëtuese, dhe potencialisht e mirë për planetin.