Një stuhi rëre errëson qiellin mbi Seul, me pjesëzat e pluhurit që prekin cilësinë e ajrit në kryeqytetin koreano jugor. Ministria koreanojugore e ambjentit, tha të mërkurën se kishte ngritur nivelin e paralajmërimit nga ‘Vëmendje’ në ‘Kujdes’. Stuhia e rërës duket se është zhvendosur mbi korenë e jugut pasi më herët goditi kryeqytetin kinez Pekinin ku bllokoi në shtëpitë e tyre mbi 400 milionë njerëz. Shikueshmëria nga kjo stuhi ishte shumë e kufizuar, deri në pak dhjetëra metra. Stuhia duket se u nis nga Mongolia e jugut dhe preku edhe rajone të tjera të Kinës. Stuhitë e rërës kanë mbështjellë Kinën prej më shumë se një muaji dhe po përhapen tani në rajonet e afërta duke prekur cilësinë e ajrit edhe në Korenë e jugut dhe Japoni. Pjesëza pluhuri nga shkretëtira e Gobit kanë mbuluar korenë e jugit prej ditësh duke arritur nivele të rrezikshme. Pas koresë së jugut, stuhia e rërës preku edhe japoninë duke cënuar shikueshmërinë në rajonin qendror të vendit që përfshin edhe Tokion.