Korrespondenti i sigurisë i BBC-së, Frank Gardner, thotë se Irani tani duhet të zgjedhë midis tre veprimeve strategjike në përgjigje të sulmit të SHBA-së gjatë natës: E para të mos bëj asgjë. Kjo mund ta shpëtojë atë nga sulme të mëtejshme të SHBA-së. Madje mund të zgjedhë rrugën diplomatike dhe të ribashkohet me negociatat me SHBA-në. Por mosbërja e asgjësë e bën regjimin iranian të duket i dobët, veçanërisht pas të gjitha paralajmërimeve të tij për pasoja të tmerrshme nëse SHBA-të do të sulmonin. Mund të vendosë që rreziku i dobësimit të kontrollit të tij mbi popullsinë e tij tejkalon koston e sulmeve të mëtejshme të SHBA-së. E dyta ështa ajo e hakmerrjes së ashpër dhe të shpejt. Irani ende ka një arsenal të konsiderueshëm raketash balistike, pasi i ka prodhuar dhe i ka fshehur ato për vite me radhë. Ai ka një listë objektivash prej rreth 20 bazash amerikane për të zgjedhur në Lindjen e Mesme. Ai gjithashtu mund të nisë "sulme të shumta" ndaj anijeve luftarake të Marinës Amerikane duke përdorur dronë dhe anije të shpejta me torpedo. Ndërsa pika e tretë është të hakmerret më vonë në një kohë që e zgjedh vetë. Kjo do të thoshte të presë derisa tensioni aktual të qetësohet dhe të nisë një sulm të papritur kur bazat amerikane nuk do të jenë më në gatishmëri maksimale. Irani mund të shënjestrojë gjithashtu asetet e vendeve fqinje që i percepton se po ndihmojnë SHBA-në, gjë që rrezikon përhapjen e luftës në të gjithë rajonin.