Dosja e Prokurorisë së Tiranës në lidhje me operacionin kundër call centera-ve mashtruar zbulon se dëmi që dyshohet se personat e akuzuar u kanë shkaktuar shtetasve të Bashkimit Europian të paktën 50 milionë euro. Në dosjen e siguruar nga Top Neës, prokuroria thotë se skema është ngritur nga shtetasit Mateo Hoxha, Marsel lami, Xhoni Hitaj, Xhoel Mekolli, Ledio Toçi dhe Eduart Dalla. Prokuroria thotë se hetimi ka nisur pas sinjalizimit nga autoritetet austriake. Këto të fundit janë vënë në lëvizje pas denoncimit të një shtetasje, se i kishin zhvatur mijëra euro me premtimin e investimit në bursa dhe kriptomonedha. Austriakët kanë zbuluar se grupi i të akuzuarve përdorte platformat online Cappitalmarket24, Goldcapital24 dhe Alphascrypto për të mashtruar shtetas të Bashkimit Europian, kryesisht austriakë dhe gjermanë.