Përfaqësuesit e AfD-së në Bundestagun gjerman, prisnin para nga moska ndërsa përgatisnin një padi kundër qeverisë gjermane për dorëzimin e armëve në ukrainë. Gjermania der Spiegel, ka zbuluar një fenomen që mund të ketë ndodhur edhe në vende të tjera të evropës ndonëse ka qenë portali investigativ The Insider ai që publikoi i pari dokumentet që vërtetonin lidhjet e afd-së me rusinë. Sipas raportit, Vladimir Sergienko, një 52 vjecar që jeton në berlin dhe punon për përfaqësuesin e AfD Eugen Schmidt, vepronte si ndërmjetës mes moskës dhe ekstremit të djathtë gjerman. Ai bëri disa udhëtime në Moskë, duke kërkuar para për AFD, me qëllim që të vononte dërgimin e armëve të gjermanisë në Ukrainë. Der Spiegel, ka siguruar dokumente, mesazhe dhe e-maile nga punonjës dhe aktivistë të AFD-së, e mes tyre dokumentohet edhe biseda me një person në Moskë. Dokumentet tregojnë se AfD shpresonte në ndihmën ruse, në këmbim të vonesave të armëve për Kievin. AfD donte të punësonte një firmë të njohur ligjore që kërkon 450 euro në orë për të ngritur një padi kundër dërgesave gjermane të armëve. Do të duhen 25 mijë euro në muaj për shpenzimet ligjore plus 10 mijë euro të tjera, thuhej në komunikimin me Moskën. Katër muaj më vonë, AfD në fakt ngriti një padi kundër qeverisë. Më 4 korrik, grupi i partisë gjermane të ekstremit të djathtë ngriti një padi në Gjykatën Kushtetuese gjermane, duke argumentuar se qeveria e Olaf Scholz nuk duhej të kishte dorëzuar tanke dhe pajisje të tjera luftarake në Ukrainë pa pëlqimin e Bundestagut. Deputeti i AfD-së, Stephan Brandner, kujtoi se deri vonë, rregulli i mos dërgimit të armëve në zonat e luftës dhe të krizës ishte i vlefshëm në Gjermani.