Dhjetëra mijëra njerëz marshuan përsëri në qendër të Beogradit duke kërkuar largimin e menjëhershëm të presidentit serb, Aleksander Vucic. Kjo është protesta e 6-të të të rinjve serbë që kërkojnë dorëheqjen e kreut të shtetit, pasi e cilesojne atë si përgjegjës për dy sulmet masive që u regjistruan në fillim të muajit maj. Mirëpo, ndërsa dhjetëra mijëra njerëz dolën në rrugët e Beogradit, Vuçiç urdhëroi ushtrinë në gatishëri të lartë, duke e zhvendosur atë ne vëri të Kosovës. Prestigjiozja New York Times i ka kushtuar një artikull të gjatë presidentit serb dhe mënyrave se si ai ka arritur të heqë vëmendjet nga cështjet e brendshme. Analiste dhe aktiviste te opozitës serbe tregojnë për gazetën prestigjioze “ndihmësin” kryesor të president vucic për të arritur këtë qellim, dhe sipas tyre nuk është askush tjetër veçse Albin Kurti. Referuar New York Times, vendimi i kryeministrit të Kosovës për të vendosur kryetarët e rinj shqiptar me shoqërimin e forcave speciale në ndërtesat komunale, duke shkaktuar përplasje me serbët lokalë, ka ndihmuar Vucic të zhvendosë vëmendjen e Beogradit të tensionet e krijuara. “Tensionet në Kosovë e ndihmojnë vetëm Vuçiç duke ngjallur pasionet për territorin që shumica e serbëve e shohin si pjesë të vendit të tyre”. Kështu deklaroi Milomir Mandiçit, menaxher i përgjithshëm i grupit “Demostat”, një grup kërkimor. Të njëjtin qëndrim ka pasur dhe Pavle Gërboviçi, deputet i opozitës në Serbi, anëtar i Lëvizës së Lirë të Qytetarëve, i cili ka ndihmuar për organizimin e protestave në Beograd. “Kurti vazhdimisht po e ndihmon Vuçiç. Askush në skenën politike serbe nuk ka bërë më shumë për pozicionin e Serbisë në Kosovë dhe për Vuçiç se sa Kurti”- tha ai për New York Times.