Një drejtuese në JP Morgan, 37-vjeçarja me origjinë shqiptare Lorna Hajdini, është paditur në Nju Jork për ngacmim dhe abuzim seksual ndaj një punonjësi. Padia, e ngritur nga një person anonim, pretendon se ajo ka ushtruar presion për marrëdhënie seksuale për muaj me radhë, duke e kërcënuar se do i shkatërronte karrierën dhe, në disa raste, duke e droguar pa dijeni. Sipas dokumenteve, ngjarjet kanë nisur në pranverën e vitit 2024 dhe janë përshkallëzuar nga komente të papërshtatshme në akte të detyruara. Pretendohet gjithashtu se ajo ka përdorur pozitën për të hyrë pa leje në llogarinë bankare të tij. Padia përfshin edhe JP Morgan, duke e akuzuar për neglizhencë dhe hakmarrje ndaj punonjësit pasi ai raportoi rastin. Nga ana tjetër, banka thotë se hetimi i brendshëm nuk gjeti prova që mbështesin akuzat. Rasti është ende në shqyrtim, ndërsa nuk ka reagim publik nga Hajdini.