Një djalë i vogël ka fituar zemrën e të gjithë britanikëve dhe kjo, për shkak të ngjashmërisë së habitshme me Boris Johnson. Vogëlushi 3 muajsh ka një ngjashmëri të madhe me kryeministrin britanik në veçanti për flokët e tij. David Doronina, nga Surrey është vetëm tre muajsh, por tashmë ka më shumë flokë se shumica e moshatarëve të vet. Ngjashmëria e tij me Kryeministrin u vu re nga infermierët menjëherë pas lindjes së tij më 1 mars, sipas nënës së tij Tatiana Doronina, 35 vjece. Tani kudo që shkon Davidi, prindërit e tij ndalen në rrugë nga të panjohur që bëjnë komente për pamjen e tij. Fillimisht e ëma Tatiana, me origjinë ruse, rrëfen se babai kishte dashur t’i vinin emrin Boris, si kryeministri, por ajo e kishte refuzuar diçka të tillë pasi sipas saj djali nuk duhet ta mbajë një emër të tillë thjesht për shkak të ngjashmërisë.