Shtetet e Bashkuara dhe Rusia mund do të mbajnë bisedime në muajin janar të vitit të ardhshëm për të diskutuar për propozimet e sigurisë të prezantuara nga Moska, derisa tensionet janë rritur lidhur me situatën në Ukrainë. “Ne do të vendosim për një datë së bashku me Rusinë dhe ne besojmë se bisedimet do të zhvillohen në janar”, tha Ndihmës-sekretarja amerikane e Shtetit për Evropën dhe Euroazinë, Karen Donfried. Donfried tha se Aleanca Veri-Atlantike (NATO) do të diskutojë të martën lidhur me mundësinë e një takimi me Rusinë për të diskutuar për propozimet e Moskës. Ajo shtoi se Organizata për Siguri dhe Bashkëpunim në Evropë (OSBE) po punon se si do të angazhohet me Rusinë. “Sipas mendimit tim, ne do të shohim lëvizje në këto kanale gjatë muajit janar”, tha ajo. Më 17 dhjetor, Rusia publikoi kërkesat e saj të sigurisë, përmes së cilave kërkon garanci nga SHBA-ja dhe NATO-ja që Aleanca të mos zgjerohet në lindje.