Sali Berisha thotë se Partia Demokratike e ka prioritet madhor integrimin e vendit në Bashkimin Europian dhe për realizimin e këtij objektivi, kontributi i shqiptarëve që jetojnë jashtë do të jetë domethënës. Kreu i Partisë Demokratike foli në një bashkëbisedim me qytetarët përmes rrjeteve sociale. Ai shpalosi edhe njëherë programin e opozitës për të rinjtë që zgjedhin të rikthehen në Shqipëri. Sinkron Berisha - Do të bëjmë gjithçka për punësimin e të rinjve, duke përdorur stimuj dhe incentivë për të gjithë ata që punësojnë të rinj, duke paguar sigurimet shoqërore për një kohë 1 deri në 5 vjeçare sipas sektorit. Duke financuar me grante start upet e tyre, duke kredituar me kredi të buta strehimi dhe çdo çifti të ri. Pra, Shqipëria që sot është një vend ku të rinjtë nuk imagjinojnë se mund të ndërtojnë ëndërrën e tij, ëndërrën shqiptare, projektin e tyre, ne do ta bëjmë një vend plotësisht të jetueshëm dhe të besueshëm për ëndërrën shqiptare.