Sekretari amerikan i Shtetit, Antony Blinken, prezantoi planin për menaxhimin e Gazës në periudhën e pasluftës. Ai tha se ky plan do t’ijepet administratës së re të Donald Trump, nëse dy vendet arrijnë një marrëveshje për armëpushimin. Kryediplomati në largim tha se Uashingtoni ka parashikuar një Autoritet Palestinez të reformuar, që do të udhëhiqte me Gazën, ndërsa ftoi partnerët ndërkombëtarë që të ndihmojnë në krijimin e një administrate të përkohshme për enklavën palestineze. Deklaratat Blinken i bëri në Këshillin e Atlantikut në Uashington. Sipas planit amerikan, një forcë e sigurisë do të formohej nga forcat e shteteve partnere dhe personeli palestinez që do të kalonte nëpër procese të verifikimit. “Për muaj të tërë, ne kemi punuar në mënyrë intensive me partnerët tanë për të krijuar një plan të detajuar për periudhën e pasluftës që do të mundësojë që Izraeli të tërhiqet plotësisht nga Gaza, të parandalohet që Hamasi të marrë pushtetin dhe t’i japë qeverisje Gazës, siguri dhe rindërtim”, tha Blinken. Gjatë fjalimit, Blinken u ndërpre herë pas here nga protestues që e akuzuan të me pretendimin se po mbështet gjenocidin e Izraelit në Gaza.