Top News – Si do i joshë Gjermania të rinjtë!/Ligji për emigrantët, nga gjuha te bashkimi familjar

Bundestagu gjerman ka miratuar me shumicë votash ndryshimet në ligjin për të drejtën e qëndrimit dhe azilit duke i mundësuar ekonomisë më të madhe të Evropës të thithë tw rinjtw e kualifikuar nga Ballkani dhe Shqipëria. Ndryshimet, të cilat u miratuan në fillim të këtij muaji, më 2 dhjetor 2022, përfshijnë lehtësimin e fitimit të vendbanimit për ata pa status të sigurt dhe lehtësimin e mundësisë së të rinjve që kanë qenë në Gjermani për të paktën tre vjet për të vazhduar qëndrimin aty më tej, Në të njëjtën kohë, parlamenti ka miratuar edhe një ligj sipas të cilit procedurat e aplikimit për azil do të përshpejtohen dhe në këtë mënyrë do të pastrohet numri i kërkesave të mbetura. Ata që nuk kanë status të sigurtë qëndrimi tani kanë një shans. Ligji i ri do t’u mundësojë atyre që kanë qëndruar në Gjermani për një periudhë të paktën pesëvjeçare dhe që nuk kanë status të sigurt qëndrimi deri më 31 tetor 2022, të fitojnë të drejtën e qëndrimit për një vit e gjysmë (18 muaj). Përgjatë këtyre 18 muajve, të njëjtit do të mund të aplikojnë për të drejtën e përhershme për të qëndruar në Gjermani dhe të dëshmojnë se plotësojnë kushtet e përcaktuara, duke përfshirë këtu aftësitë gjuhësore dhe të kuptuarit e kulturës dhe mënyrës së jetesës gjermane. Të rinjtë e integruar mirë që kanë të drejtë të qëndrojnë në Gjermani vetëm pas 3 vjetësh Ndryshimet e reja në ligjet e imigracionit në Gjermani do t’i lejojnë 27-vjeçarët dhe ata më të rinj të qëndrojnë në Gjermani më shpejt nëse tregojnë se janë përshtatur me kulturën gjermane dhe kanë mësuar gjuhën.