Nga Sydney në Mumbai, nga Paris në Rio de Zhaneiro, njerëzit në mbarë botën mirëpritën 2025-ën me shfaqje spektakolare fishekzjarresh, përqafime dhe zhytje në ujë të akullt. Topi i natës së Vitit të Ri ra në Times Square, të Nju Jorkut, ku mijëra njerëz ishin mbledhur pavarësisht shiut të dendur për të festuar ardhjen e vitit 2025. Turmat brohoritën dhe çiftet u puthën kur topi që peshon pothuajse 6 ton, me 2,688 trekëndësha kristali, ulej. Vendet në pjesën jugore të oqeanit Paqësor ishin të parat që hynë në Vitin e Ri, me mesnatën në Zelandën e Re që erdhi plot 18 orë përpara Nju Jorku të prekte 2025-ën. Aucklandi, ishte qyteti i parë i madh që shpërtheu në festë, me mijëra njerëz që u mblodhën në qendër të qytetit ose u ngjitën në majat vullkanike të qytetit për të parë sa më mirë spektaklin e fishekzjarreve. Më shumë se 1 milion njerëz u vlerësuan se kishin dalë për të parë fishekzjarrët tradicionalë në gjirin e sidneit, ndërsa Australianët pritën 2025-ën. Hong Kongu, Tajvani, Malajzia dhe Japonia e pritën të gjithë vitin e ri me festa e spektakle fishekzjarresh. Azia ndërkohë përgatitet të presë vitin e gjarprit, sipas zodiakut të saj, që është paralajmëruar si viti i rilindjes. Në Korenë e Jugut, festimet u ndërprenë ose anuluan gjatë një periudhe zie kombëtare pas rrëzimit të së dielës së një avioni që mori 179 jetë njerëzish. Në Indi, mijëra njerëz u mblodhën në shëtitoren e zhurmshme të Mumbait, përballë detit, për të festuar. Në Sri Lanka, njerëzit u mblodhën në tempujt budistë për të ndezur qirinj dhe shkopinj temjani e për t'u lutur. Në Dubai, një tjetër histori; mijëra njerëz ndoqën një shfaqje fishekzjarresh në Burj Khalifa, rrokaqiellin më të lartë në botë. Dhe nuk mund të anashkalohet pritja e vitit të ri në Brazil, me festën më të famshme nga të gjitha, atë në copacabana të rio de janeiros. Spektakli i fishekzjarreve zgjati 12 minuta dhe mijëra njerëz, edhe në anija turistike dhe varka të vogla, panë shfaqjen nga deti. Turma pritej të kalonte 2 milionë njerëzit.