Detaje të reja janë mësuar për incidentin në të cilin Harry dhe Meghan u ndoqën nga paparacët në Nju Jork. Sipas një burimi të Page Six, dukët e saseksit, janë larguar nga fotografët që të mos zbulohej se ku ata do të qëndronin atë natë. Në orët para mbërritjes së tyre në Mollën e Madhe, kishte qarkulluar lajmi për një prenotim të tyre në një hotel prestigjoz, por duket se në fund, cifti kishte preferuar të sistemohej në shtëpinë e disa miqve, për të kursyer para. Pas lajmi të ndjekjes nga ana e paparacëve, një burim nga forcat e rendit i ka treguar Page Six se harry dhe Meghan i kishin kërkuar hotelit Karllajl, i preferuar nga Lady Diana, një dhomë me cmim të reduktuar. Drejtuesit kishin refuzuar dhe kështu dukët kishin zgjedhur të qëndronin në shtëpinë e një miku. Për të mos zbuluar ndryshimin e programit, cifti është larguar me shpejtësi duke i dhënë udhë edhe ngjarjes me paparacët. “Duhet të kishin qëndruar në një hotel për sigurinë e të gjithëve. Por nuk donin të paguanin shumë...nëse do të kishin qëndruar në hotel edhe ndjekja e rrezikshme e paparacëve në qytet nuk do të kishte ndodhur kurrë”, ka thënë burimi për revistën.