16 persona të angazhuar për të vrarë Durim Bamin, për llogari të ish-deputetit të PS, Arben Ndoka, është skema e zbardhur nga bisedat në ‘SKY’. Financimin për të eleminuar Durim Bamin e mbulonte Ervis Martinaj i cili ka siguruar automjetet për ndjekjen dhe vëzhgimin e shtetasit. Ish-deputeti Arben Ndoka, kërkonte ekzekutimin e Durim BAmit pasi kishte dyshime të forta se kishte marrë pjesë në vrasjen e vëllait të deputetit, Aleksandër Ndoka në Lezhë më 9 dhjetor 2017. Për vrasjen e Bamit, në përgjime dalin emra të njohur të kokave të krimit, si Behar Bajri i cili duke shfrytëzuar njohjen me Durim Bamin, i i kishte propozuar ish deputetit Ndoka, që ta thërrasë në pritë ‘shënjestrën’, por që atentati iu kishte dështuar. SPAK ka ngritur akuzën e “Sigurimit të kushteve për të kryer vrasje” në formën e “Grupit të strukturuar kriminal” ndaj ish-deputetit të PS Arben Ndoka, dhëndrit të tij Arian Tuku, nipit të tij Samuel Ndoka, Ervis Martinaj, Astrit Avdyli, nipit të tij Aldo Avdyli, Jozi Kraja, Elvis Ndreca, Naim Stafuka, Emiljano Shullazi, Blerim Abazi, Gjin Ndoj, Marklen Haka. Astrit Avdyli, ka pasur rolin e siguruesit të personave që do të kryenin vrasjen e shtetasve Durim dhe Valter Bami, ndërsa Aldo Avdyli do realizonte vrasjen. Arben Mërkuri i cili ndërroi jetë në vitin 2022, ka pasur rolin e ekzekutorit të dy shtetasve.