Shtatë personazhe të njohur të botës së krimit në vend, aktualisht në burg, do të hyjnë në një regjim të posaçëm dënimi. Arbjon Aliko, i dënuar për vrasjen e efektivit të policisë Ibrahim Basha gjatë aksionit të 2015-s në Lazarat; Emiljano Shullazi, Blerim Shullazi, Gilmando Dani, Endrit Qyqja, dhe Endrit Zela, të dënuar si pjesëtar të Bandës së Shullazit; si dhe Genci Balla, i dënuar si Xhihadist dhe rekrutues luftëtarësh që i dërgonte në Siri, janë shtatë të parët që do të izolohen në regjimin 41 bis, ku kontaktet një herë në muaj me familjarët dhe telefonatat, do t’i kenë të përgjuara. Kjo për shkak se ata, edhe pse kane qene të dënuar në burg, kanë mundur tw komunikojnw me anëtarë të bandës së tyre apo edhe me anëtarë të bandave të tjera kriminale. 41 bis, është një model italian, që po implementohet për herë të parë në vendin tonë.