Shuhet në moshën 75-vjeçare një nga yjet e kinematografisë shqiptare, Mirush Kabashi. Aktori i mirënjohur, i cili ka luajtur në dhjetëra filma dhe shfaqje të panumërta teatrale, mbylli sytë në orët e par të mëngjesit të së martës, duke lënë pas një pasuri të tërë kinematografike. Mirush Kabashi lindi në Shkodër më 17 prill të 1948-ës, nga një familje me origjinë nga Gjakova, teksa më pas u rrit në Durrës dhe u diplomua në Institutin e Lartë të Arteve më 1970-ën, kur edhe nisi rrugëtimin e tij në kinematografi, për të luajtur më shumë se 100 role në filma e teatro. Ndër rolet më të spikatura në kinematografi janë ato të Lisimak Vocit, në filmin “Zëvëndësi i grave”, babait të Almës në filmin “Edhe kështu, edhe ashtu”, Brahushit në filmin ‘Dora e Ngrohtë’, Bakes në filmin “Gëzhoja e vjetër”, etj.