Mario Vargas Llosa, u nda nga jeta në moshën 89-vjeçare në vendlindjen e tij në Peru. Ai ishte një figurë e madhe në letërsinë dhe kulturën e Amerikës Latine, i cili rrallëherë i bënte bisht polemikave. Me më shumë se 50 vepra nën emrin e tij, shumë prej të cilave janë përkthyer në shumë gjuhë të botës, Vargas Llosa fitoi Çmimin Nobel për Letërsinë në vitin 2010 kur ai u quajt një "tregimtar me dhunti hyjnore". Përshkrimet e tij të autoritarizmit dhe dhunës, duke përdorur gjuhë dhe imazhe të pasura, e bënë atë një yll të Amerikës Latine që tërhoqi vëmendjen globale në kontinent. Në fillim, dashamirës ndaj ideve të majta, ai u zhgënjye me kauzat revolucionare të Amerikës Latine, duke kandiduar përfundimisht pa sukses për presidencën peruane me një parti të qendrës së djathtë në 1990. Vargas Llosa lindi në vitin 1936 në një familje të klasës së mesme në Arequipa në Perunë jugore. Pasi prindërit e tij u ndanë kur ai ishte i mitur, ai u transferua në Bolivi me stërgjyshërit e tij. Ai u kthye në Peru në moshën 10-vjeçare dhe gjashtë vjet më vonë shkroi dramën e tij të parë. Ai u diplomua në Universitetin e Limas, studioi në Spanjë dhe më vonë u transferua në Paris. Romani i tij i parë, Koha e Heroit, ishte një padi për korrupsionin dhe abuzimin në një shkollë ushtarake peruane. Shkruar në një kohë kur ushtria e vendit kishte fuqi të mëdha, libri u botua në vitin 1962 dhe polemikat që e shoqëruan ishin të shumta. Romani i tij i dytë "Shtëpia e Gjelbër", u botua në 1966 duke u pasuar me të tjera vepra si Biseda në Katedrale etj. Në vitin 1990 vargas llosa kandidoi për presidencën peruane por humbi përballë Alberti Fuxhimoirit, që qeverisi vendin për 10 vitet që do të pasonin. Vargas Llosa i kaloi vitet e fundit të jetës së tij në Peru si dhe në Madrid.