Bashkim Kopliku, ish-zv/ kryeministri dhe ministri i Brendshëm i qeverisë së parë të Partisë Demokratike, është ndarë nga jeta, mbrëmjen e së shtunës për shkak të komplikacioneve nga COVID19. Bashkim Kopliku prej ditësh ishte i shtruar në spitalin e Durrësit, por ai nuk ka mundur që të fitojë betejën me sëmundjen dhe virusin. Familjarët e kanë marrë nga spitali me ambulancë private për ta dërguar në Itali për kurim, po nuk ka mundur të mbijetojë dhe ka vdekur në Rinas pa mundur të niset drejt shtetit fqinj. Bashkim Kopliku u lind më 15 korrik 1943 në Shkodër. Ai ka qenë me profesion inxhinier elektronik. Në fillimet e viteve 90 ka luajtur një rol protagonist në politikën shqiptare. Ai ka qenë dy herë deputet në parlamentin e Shqipërisë, ndërsa, që prej vitit 1997, u largua nga politika, por qëndroi aktiv në media dhe shtypin e shkruar.