Kompozitori dhe kengetari i njohur lirik Avni Mula është ndarë nga jeta në moshën 92 vjecare. Lajmin e ka bërë të ditur përmes një postimi në profilin e saj në Facebook vajza e kompozitorit dhe kengetarit të njohur, sopranoja Inva Mula. “Gjigandi jonë fluturoi në Valsin e Perjetësisë!’, shkruan Inva mula, duke njoftuar për ndarjen nga jeta të të atit. Avni Mula është një nga muzikantët më të njohur shqiptar të brezit të vet dhe është autor i kompozimeve të dhjetëra këngeve, dhe pjesëve të tjera si edhe të kolonave zanore të disa filmave. Ndër më të njohurat dhe të spikaturat e kengeve te kmpozuara prej tij të cilat publiku i pelqen ende, janë “Valsi i Lumturisë”, “Nënë moj do pres gershetin”, “Kënget e atdheut tim”, “Një djep në Barrikadë|”. Perveçse kompozitor, ai ka qene edhe bariton i Ansamblit të Këngeve e Valleve popullore. Në dnër të kontributit të dhënë për muzikën dhe artin shqiptar ishte nderuar me titullin “Artist i popullit”. Avni Mula lindi më 4 janar të vitit 1928 në Gjakovë, në Kosovë. Por më vonë familja e tij u zhvendos në Shkodër dhe pas Luftës së Dytë botërore në Tiranë. Studimet si këngëtar lirik i përfundoi në kosnervtorin Çajkovski të Moskës. gjatë studimeve në Moskë ai u njoh dhe u martua me sporanon Nina Mula, shtetase ruse e cila është ndarë nga jeta disa vite më parë.