Humbet jetën në moshën 82-vjeçare Aneta Rama, nëna e kryeministrit Edi Rama. Zemra e nënës së kryeministrit pushoi së rrahuri në orët e para të mëngjesit të sotëm. Lajmin e trishtë e ka konfirmuar vetë kreu i qeverisë shqiptare përmes një dedikimi prekës në Facebook ‘Ishe drita dhe guri këndor i shtëpisë ku u rritëm e u bëmë burra, e ku mbetëm gjithnjë fëmijë. E di, që deri sa të shoh dot diellin e yjet do të jesh me mua, e bukur dhe e fortë si askush. Do të na mungosh shumë, por asgjë më shumë nuk bëje dot për ne sesa e pamundura që bëre plot përkushtim gjithë jetën, prandaj prehu në paqe mam’, shkruan Rama në dedikimin e tij. Aneta Rama vuante prej kohësh nga një sëmundje e vështirë. Dy vite më parë ajo ju nënshtrua një operacioni në toraks dhe gjendja e saj ishte delikate. Për shkak të sëmundjes daljet e saj në publik kanë qenë të rralla.