Gjykata e Posaçme ka shtyrë seancën për shqyrtimin e masës së sigurisë ndaj Alma Kaçit, në mënyrë që Prokuroria të depozitojë të gjitha hetimet që janë kryer deri tani. 40 vjeçarja që u përfshi në skandalin seksual me ish kryebashkiakun e Kukësit, Safet Gjici, po hetohet në “arrest shtëpie” për akuzën e korrupsionit aktiv ndërsa tani kërkon ‘hetim në gjendje të lirë’. Avokatja e Alma Kaçit deklaroi se shumë shpejt mund të nxjerrin të dhëna të reja. SINKRON “Gjykata e shtyjë për një datë tjetër ku Prokuroria do depozitojë të gjitha hetimet që janë bërë deri tani. Dhe duke parë provat do vendosë nëse do lerë arrestin në shtëpi ose do ndryshojë masë. Deri më tani janë të njëjtat të dhëna që janë paraqitur në organin e akuzës, mund që në të ardhmen të kemi qëndrim ndryshe. Mund të dalin të dhëna të reja që janë nën efekt të hetimit. Korrupsioni aktiv nuk kemi, nuk ekziston. S’kemi bërë asnjë ndryshim deri tani.” Pas avokatës doli nga Gjykata edhe e akuzuara, e cila u përfshi në një debat me gazetarët.