Kryebashkiaku i Tiranës Erion Veliaj la këtë të premte ambientet e paraburgimit të Durrësit, për të mbërritur në Gjykatën Administrative, për përballjen ligjore me prokurorin Ols Dado. Si në seancat e shkuara, Veliaj mbante në dorë një libër, teksa këtë herë kishte zgjedhur “Zotin President” që rrëfen për totalitarizmin. Mbrojtja e kryebashkiakut të Tiranës, Plarent Ndreca mungoi në seancë, teksa kishte depozituar pranë gjykatës një kërkesë për shtyrje, për shkaqe shëndetësore familjare. Seanca zgjati vetëm pak minuta, teksa Veliaj tentoi të lexonte fjalën që kishte përgatitur për Gjykatën Kushtetuese. Në njoftimin e ndarë nga zyra e shtypit, Veliaj argumentonte se një nga gjyqtaret e Gjykatës Kushtetuese ka arritur në përfundimin se, bazuar në provat e administruara, nuk rezulton të jetë arritur as standardi kushtetues i dyshimit të arsyeshëm se kam kryer vepër penale.