Ministria e Jashtme njoftoi se ministeriali mes vendeve të Europës Juglindore dhe Ukrainës, parashikuar për t’u mbajtur në Tiranë të premten më 12 qershor është anuluar. Shtyrja është njoftuar përmes një komunikate të shkurtër nga ana e Ministrisë, me arsyetimin se ajo vjen si pasojë e situtatës së sigurisë në Ukrainë dhe angazhimeve të ministrit të Jashtëm ukrainas, Andrii Sybiha, si bashkëorganizator i ministerialit të Tiranës. Data e re e zhvillimit të Ministerialit do të bëhet e ditur në një moment të dytë, thotë Ministria e Jashtme, që nuk e lidhe këtë vendim me protestat që po mbahen aktualisht në Shqipëri. Të martën, qytetarë të shumtë dolën në ditën e 10-të në protestë kundër qeverisë dhe klasës së vjetër politike, teksa po të premten, kur Ministria e Jashtme kishte parashikuar ministerialin, Edi Rama ka thirrur një takim festiv në Sheshin Nënë Tereza me rastin e 35 vjetorit të themelimit të Partisë Socialiste.