32 degë të Partisë Demokratike kanë kryetarët e tyre të rinj si rezultat I procesit zgjedhor të zhvilluar që nga data 9 Prill duke nisur nga Mallakastra. Këtë të hënë PD zhvillon zgjedhjet për kryetar edhe në 6 degë të tilla, teksa afat zyrtar për përmbylljen e këtij procesi riorganizimi, duhet të ishte 20 prilli. Burime I thane Top News, se më 20 prill do të zhvillohen zgjedhjet për kryetar dege në Divjakë, teksa procesi zgjedhor për disa degë do të shtyhet me disa ditë. Të njëjtat burime bëjnë me dije se degët të cilat ishin të përfshira në zgjedhjet e pjesshme lokale, kanë kërkuar shtyrje me disa ditë për mbajtjen e votimeve për kryetar dege. Po ashtu kjo kërkesë është bërë edhe nga disa degë të tjera, teksa procesi pritet të përfundojë deri në fund të javës dhe jo më 20 prill siç edhe ishte parashikuar.