Kanë pësuar sërish rritje infektimet e reja me koronavirus, pas shifrave të ulta që u shënuan dy ditët e fundit. Ministria e Shëndetësisë ka raportuar për 590 raste të reja me Covid 19 gjatë 24 orëve të fundit, si pasojë e 2994 testimeve të kryera ndaj personave të dyshuar. Nga këto raste 182 janë shënuar në Tiranë, 38 në Vlorë, 30 në Fier, 29 në Shkodër, 24 në Elbasan, Pogradec, 22 në Durrës, 19 në Korçë, 17 në Tepelenë, 16 në Berat, 15 në Lushnje, 14 në Mirditë, 12 në Ura Vajgurore, 11 në Mallakastër, Gjirokastër, 10 raste në Gramsh dhe më pak raste në bashkitë e tjera të vendit. I lartë vijon të jetë edhe numri I viktimave, ku janë knfirmuar këtë të enjte, 14 humbje jete ne spitalet covid të moshave nga 57-84 vjeç. Deri më tani numri I viktimave të shënuara gjatë gjithë pandemisë ka shkuar në 2106 persona. Ajo ë bië në zy nga të dhenat ditrë te ministrisë së Shendeteosë, është ulja në mënyrë të ndjeshme e personave të shtuar në spitalet Covid në tiranë dhe ato rajonale, ku aktualisht po trajtohen 406 pacientë, 31 në terapi intensive, nga të cilët 14 pacientë janë të intubuar. Në 24 orët e fundit janë shëruar 710 qytetarë, duke e çuar numrin e të shëruarve në 83,264 që nga fillimi i epidemisë, ndërsa numri I rasteve aktive është 34 158 persona. Në total numri I të infektuarve ka shkuar në 119 528. Sa I takon procesit të imunizimit, vijon procesi i vaksinimit antiCOVID në qendrat e posaçme dhe në shkolla për arsimtarët. Gjatë së enjtes janë kryer 2954 vaksinime antiCovid dhe që nga fillimi i vaksinimit janë kryer 36,323 vaksinime për personelin shëndetësor, të moshuarit dhe mësuesit.