Drejtori i përgjithashëm i doganave, Gentin Gazheli mori pjesë në një diskutim zhvilluar nga Dhoma e Tegtisë dhe industrisë së Tiranës. Diskutimi u fokusua tek lehtësirat doganore për sipërmarrjen. Gazheli shprehu edhe njëherë që prioriteti i institucionit që ai drejton është shërbimi me cilësi e cdo strukture doganore ndaj biznesit. Gjatë këtij takimi Gazheli i njohu sipërmarrësit me arritjet e deritanishme të Administratës Doganore, si dhe prezantoi objektivat për 2021, ku theksoi, shtimin e mundësisë së aplikimeve online në portalin E-albania nga 8 për në 34 autorizime, plotësimin e kushteve për t’ju bashkuar Konventës së Përbashkët të Tranzitit përmes zhvillimit të NCTS, si dhe krijimin e modulit elektronik të Operatorëve Ekonomikë të Autorizuar. Ndërsa Kreu i Dhomës së Tregtisë dhe Industrisë së Tiranës, Nikolin Jaka, vlerësoi mbështetjen e Doganave, përmirësimin dhe angazhimin e shtuar të strukturave në procesin e import-eksporteve, ku sipas tij, sipërmarrja ndjen një relaksim në komunikimin e tyre.