Shteti islamik, grupi militant i sunitëve myslimanë që mori përgjegjësinë për dy shpërthimet vdekjeprurëse në iranin me shumicë shiite këtë javë, ka vepruar në hije që kur thuajse u shkërrmoq nga një koalicion i udhëhequr nga SHBA. Por, shumë ekspertë thonë se koalicioni ndërkombëtar e dobësoi shumë, por nuk e eleminoi grupin. Në kulmin e fuqisë së tij, shteti islamik vendosi një mbretërim terrori mbi miliona njerëz dhe mori kontrollin e territoreve të mëdha në irak dhe siri. Luftëtarët e tij mundën ushtritë e të dyja vendeve dhe kryen apo frymëzuan sulme në dhjetëra qytete përreth botës. Kushdo që e kundërshtonte degën e tij të islamit, përballej me tortura dhe vdekje. Lideri i Shtetit Islamik, Abu Bakr al Baghdadi, shpalli kalifatin ndërkufitar në 2014 dhe premtoi se do ta udhëhiqte e zgjeronte atë. Pesë vite më vonë u vra në një sulm të forcave speciale amerikane në sirinë veriperëndimore. Kalifati ra në irak dhe në siri...por sulmi i kësaj jave në iran, është një shenjë që tregon se grupi po tenton të ringrihet. Sipas ekspertëve, qëllimi mbetet i njëjtë: xhihadi kundër të gjithë armiqve të grupit me qëllim që të krijohet një kalifat territorial që të sundojë me gjasë të gjithë botën