Departamenti amerikan i shtetit ka miratuar shitjen e mundshme prej 1.1 miliardë dollarësh pajisje ushtarake, tajvanit, mes të cilave 60 raketa anti anije dhe 100 raketa ajër-ajër, ndërkohë që Kina kërcënon se do të marrë masa. Pentagoni e njoftoi paketën të premten, në kuadër të stërvitjeve agresive ushtarake të Kinës rreth Tajvanit, që pasuan vizitën në ishull të kryetares së dhomës së përfaqësuesve të SHBA Nensi Pelozi atje, zyrtarja më e lartë amerikane kjo që udhëton në Taipei në vite të tëra. Shitja përfshin edhe raketa Sajduinder, që mund të përdoren për të goditur shënjestra në ajër por edhe në tokë, me një kosto prej rreth 85.6 milionë dollarë, raketa anti anije Harpun me kosto 355 milionë dollarë si edhe mbështetje për programin e mbikqyrjes me radarë të Tajvanit për një vlerë prej 665.4 milionë dollarësh. Një zëdhënës i ambasadës kineze në Uashington tha në një deklaratë se shitja e armëve dëmton rëndë marrëdhëniet mes kinës dhe SHBA-së si edhe paqen dhe stabilitetin në të gjithë ngushticën e tajvanit. “Kina do të marrë kundërmasat e nevojshme dhe legjitime përballë zhvillimeve të situatës”, tha ai.