SHBA prej vitesh ka në zotërim disa mjete me prejardhje ‘ekzotike’, të realizuar nga një inteligjencë jo humnane, për sa i takon morfologjisë së tyre dhe materialeve të përdorura. Këto të fundit, janë zbulime nga një informator sekret për disa gazetarë, përfshirë Leslie Kean dhe Ralph Blumenthal, autorë të skupit të Neë York Times për videot e UFO-ve të pentagonit. Burimi, nuk është sigurisht një person i cfarëdoshëm dhe për 14 vite ka qenë pjesë e shërbimeve amerikane. Ai është një ish zyrtar që ka shërbyer në afganistan, nga ku ka marrë edhe medalje. Është po ashtu edhe një veteran i një agjencie të inteligjencës dhe ka qenë përgjegjës për analizat e fenomeneve ajrore të paidentifikuara. Sipas informatorit, SHBA ruan në fshehtësi të madhe mjete të prodhuara nga inteligjenca jo njerëzore, disa prej të cilëve plotësisht të paprekur dhe të tjerë, në mënyrë të pjesshme. Ai ka shtuar se mes këtyre objekteve ka edhe disa ‘trupa pilotësh’. Këto informacione, sipas tij janë fshehur në mënyrë të paligjshme ndaj kongresit. Ai madje thotë se një nga mjetet që ka në dorë shba është edhe i famshmi, Ufoja e Musolinit, një objekt që sipas rrëfimeve të epokës ra në 1933 në Magenta në Itali, pranë Lago Maxhores. Mjeti i habitshëm, fillimisht u klasifikua si një mjet gjerman. Por sipas kërkuesve, mund të ishte dicka tjetër. Sipas të dhënave, objekti ka qëndruar në itali për disa vite dhe më pas është dërguar në SHBA.