Një vullkan në Filipinet qendrore shpërtheu të hënën, duke nxjerrë shtëllunga tymi deri në pesë kilometra të larta, tha agjencia e sizmologjisë së vendit, duke shtuar se ende nuk rekomandohej evakuimi për banorët në zonë. Në fuqi është niveli më i ulët i alarmit, në malin Kanlaon, i cili shtrihet në provincat Negros lindore dhe Negros perëndimore, me nivelin e pandryshuar prej disa ditësh, tha instituti i vilkanologjisë dhe sizmiologjisë në Filipine. Zyrtarët nënvizuan se po vlerësonin situatën dhe se do të merrnin një vendim në lidhje me nivelin e alarmit, pas shpërthimit. Ndërkohë, një zonë ndalim qarkullimi prej katër kilometrash është përcaktuar përreth vullkanit ndërsa nuk është rekomanduar ende evakuimi i banorëve që jetojnë pranë zonës. Sipas të dhënave, Kanlaon ka shpërthyer për të fundit herë në dhjetor 2017. Edhe Filipinet, ashtu si Indonezia, ndodhen në zonën që njihet si "Unaza e Zjarrit" të Paqësorit, ku aktiviteti vullkanik dhe tërmetet janë të zakonshme.