Një ferr masiv ka përfshirë një ndërtesë në Paris, me flakë dhe tym të zi të dendur që u ngrit lart në qiell dhe mbështolli me një re të errët horizontin mahnitës të kryeqytetit francez. Zjarri, i cili shpërtheu të hënën pasdite, bëri që shtëllungat e tymit në periferi të shiheshin edhe nga kulla Eifel. Pamjet dramatike tregojnë flakët që shpërthejnë nër strukturë ndërsa makinat kalojnë vetëm disa metra larg, me shoferët që shohin të tmerruar ndërsa ndërtesa digjet. Ekipet e zjarrfikësve nxituan për të ndaluar përhapjen e flakëve me frikën e një tjetër zjarri katastrofik si ai i Notre-Dame në 2019. Departamenti i Zjarrfikësve të Parisit angazhoi rreth 200 zjarrfikës dhe 60 mjete zjarrfikëse, së bashku me dy avionë që ndihmuan nga ajri për të shuar zjarrin, që besohet të ketë filluar në bodrum. Në një alarm publik, zjarrfikësit paralajmëruan: "Një zjarr i madh ka shpërthyer në Bulevardin de Douaumont në Paris. Shmangni zonën për të lejuar shërbimet e urgjencës të bëjnë punën e tyre. Banorë, kini kujdes".