Një shtatë vjecar në Florida po konsiderohet një hero pasi notoi drejt bregut për të kërkuar ndihmë, kur motra dhe babai i tij u rrëmbyen nga rryma. Steven Poust, tha se ai e kishte ankoruar barkën e tij në lumin Shën Xhons në Jacksonville në Florida, për të lënë dy fëmijët e tij, Chase 7 vjec dhe Abigail, 4 vjec që të notonin. Papritur, Abigail, që zakonisht qëndron në fund të barkës, nuk mundi të rezistonte pasi rryma ishte shumë e fortë. 7 vjecari kishte tentuar të ndihmonte motrën por nuk kishte mundur. Atëherë babai i kishte kërkuar atij të notonte drejt bregut ndërkohë që ai përpiqej të arrinte të bijën, që fatmirësisht kishte një jelek me fryrje. Dhe shtatë vjecarit, i ishte dashur një orë të arrinte bregun. Ai i tha mediave lokale se kishte bërë not qeni drejt bregut dhe sapo arriti në tokë vrapoi drejt shtëpisë më të afërt për të kërkuar ndihmë. Ndërkohë i ati dhe motra ishin marrë nga rryma me vete për rreth dy kilometra. Por skuadrat e kërkimit ia dolën mbanë ti shpëtonin në kohë dhe tani, të gjithë janë mirë.