Një I burgosur shqiptar u vra në burgun e Koridhalos këtë të hënë. Ai është Jani Aliaj, një emër I njohur dhe për drejtësinë shqiptare pasi kërkohej pë vrasje. 49-vjeçari nga Tepelena, ndodhej në burg nga muaji dhejtor I vitit 2024. Ai u godit me thikë nga një I burgosur grek në sektorin numër tre pas një sherri që nisi mes tyre. Edhe autori ashtu si Aliaj ndodhej në qeli sipas mediave greke për vrasje. Jani Aliaj rezulton person i kërkuar në Shqipëri, i dënuar me burgim të përjetshëm për vrasjen e Elton Cicos në 1 maj 2016 në zonën e ish-Bllokut në Tiranë. Gjithashtu ai kërkohej edhe për një ngjarje të ndodhur në vitin 2015 në Përmet, ku tentativa e vjedhjes së një sasie të madhe marijuane përfundoi me të plagosur. Jani Aliaj, i cili u arrestua në 31 dhjetor 2024 me identitetin e rremë Aleksan Kreshnik, ndodhej në qeli pasi më herët pasi ishte arratisur nga burgu i Korfuzit ku vuante dënim me burgim të përjetshëm për vrasjen e një shqiptari, plagosje të rëndë dhe armëmbajtje, ngjarje të ndodhura në Athinë në vitin 2006. Ekzekutimi I tij dyshohet se është porositur nga jashtë kundrejt pagesës. Kjo pasi autori edhe pak kohë më parë vrau në burg Artur Bashimin.