Qamil Taja, 25-vjeç është i riu që vrau me armë zjarri të dashurën Krisjana Brakaj në Pire të Atikës gjatë orëve të para të mëngjesit të së shtunës, pas sherrit për motive xhelozie. Sipas policisë greke, 25-vjeçari qëlloi mbi viktimën disa herë me pistoletë, plumbat e së cilës e kapën 19-vjeçaren në kokë dhe gjoks. Mediat greke shkruajnë se gjatë një debati mes çiftit, i riu shqiptar duke qenë nën ndikimin e drogës, konkretisht kokainës, ka nxjerrë pistoletën që ua kishte marrë një vit më parë disa rumunëve dhe ka qëlluar bashkatdhetaren e tij 19-vjeçare. Pasi e ka vrarë, autori ka lajmëruar vetë policinë për krimin e rëndë që kishte kryer. Autori 23-vjeçar punonte në një klub nate në Pire, ndërsa 19-vjeçarja punonte në një klub nate në Kalithea. Autori ka qenë dhe më parë i shoqëruar në Polici pas një zënke që ka pasur me partneren, dhe ka deklaruar para autoriteteve se konflikti ka ndodhur për shkak se ai është xheloz për 19-vjeçaren.