Një shtetas shqiptar i shpallur në kërkim ndërkombëtar, ka dal përpara drejtësisë spanjolle këtë të martë për tu njohur me akuzat e ngritura ndaj tij. 35 vjecari emri i të cilit nuk bëhet me dije, u vu në prangat e autoriteteve spanjolle disa ditë më parë, pasi akuzohet për krime terrorizmi. Lajmi u bë me dije nga mediat spanjolle, ndërsa operacioni policor u krye nga Garda Civile. Këta të fundit kishin marrë informacione se 35 vjecari shqiptar kryente aktivitete të dyshimta në rrugët publike, për këtë arsye nisën kontrollet e menjëhershme. Referuar po mediave spanjolle, në momentin e arrestimit shqiptarit iu gjetën dhe sekuestruan në cilësinë e provës materiale një armë e punuar me dorë dhe kalibër 22 milimetra. Ky i fundit, në momentin e arrestimit është përplasur me oficerët e policisë, duke i kërcënuar këta të fundit me vdekje.