Një shqiptar i burgosur për kultivim droge në Britani i ka shpëtuar deportimit në Shqipëri falë partneres së tij. Sipas mediave britanike, gjykata vendosi se deportimi do të ishte i pa përshtatshëm për partneren e tij sepse ajo nuk mund të flasë shqip. Armando Iberhasaj, u dënua me katër muaj burg për kultivimin e më shumë se 200 bimëve kanabis. Gjatë gjyqit avokati I tij pretendoi se deportimi në Shqipëri do të shkelte të drejtat e tij për një jetë familjare me partneren e tij sipas Konventës Evropiane për të Drejtat e Njeriut (KEDNJ). Iberhasaj hyri në Mbretërinë e Bashkuar ilegalisht nga Shqipëria në vitin 2019 dhe brenda disa muajsh u kap duke kultivuar bimë kanabisi në një shtëpi në Bolsover, Derbyshire. “Të presësh që partnerja [e Iberhasajt] të zhvendoset me të në Shqipëri, do të shkaktonte – e pranoj – pasoja të pajustifikueshme. Kjo për shkak se ajo nuk ka lidhje ose lidhje me Shqipërinë përveçse nëpërmjet [Iberhasajt] dhe ajo nuk e ka vizituar kurrë Shqipërinë dhe as nuk ka jetuar vetë atje.”, tha gjyqtarja që vendosi mos deportimin.