Një shqiptar u arrestua nga njësia antidrogë e Janinës pasi po transportonte 167 kg marijuanë. Operacioni mori pamjet e një shesh xhirimi filmash, pasi shqiptar ndërsa ishte duke lëvizur nga Konica drejt Kozanit, ju bë me shenjë që të ndalonte nga policia por ai u shndërrua në “raketë”, duke I dhënë gaz makinës për t’u arratisur. Shqiptari nuk hezitoi të kryente manovra të rrezikshme, duke lëvizur me mjet dhe në drejtim të kundërt për një kohë të gjatë, duke i vënë në rrezik të menjëhershëm shoferët por e kalimtarë. Pas disa minutash autori u neutralizua në një rrugë rurale. Gjatë kontrollit brenda në makinë autoritetet gjetën 28 pako me 167 kg e 200 gramë marijuanë. Përveç kësaj, u zbulua se automjeti kishte targa të falsifikuara, ndërsa shqiptari ndodhej në Greqi në mënyrë të paligjshme.